HOOFSTORIES: •   Man deur renoster aangeval   •   Gholflandgoed dorp se wit olifant   •   Hoës verskyn in hof   •   Jong skoolmeisie steeds vermis   •   Seuntjie (5) verloor vinger ná slangbyt   •   Munisipaliteit moet sake regruk   •   Slagoffer van plaasaanval sterk goed aan   •   Dorpsdam sorgwekkend leeg   •   Hoërskool kry nuwe hoof   •   Jagter agter slot en grendel   •   Groot fees vir Modimolle beplan   •   Skerp draai eis nog 'n lewe   •   Hoërskoolleerder wil Kaapstad help   •   Run and cycle for sports development
 

 
 

 

Sakeman erken hy pleeg bedrog


   11 August 2017   l   Ronél van Jaarsveld    l   Views: 307   l   6 months ago  

 


Willem Snyders, eienaar van Waterberg Wholesale Petroleum, het op Donderdag, 3 Augustus, in die hof op Modimolle skuld beken op ses klagtes teen hom. 

Die klagtes van bedrog en vervalsing behels ’n geraamde bedrag van sowat R300 000.

Sake is teen Snyders aanhangig gemaak nadat hy na bewering verskeie inwoners ingeloop het. Hy het glo ook vooruitgedateerde elektroniese bankoorbetalings gemaak en dan die “bewys van betaling” deurgestuur. Die betalings het egter nooit deurgegaan nie.  

Snyders is op Woensdag, 1 Maart, aangekeer nadat hy op die vlug geslaan het in sy peperduur Mercedes C220 toe hy polisiebeamptes wat na hom gesoek het by sy onderneming in die nywerheidsgebied gesien het. 

Daar is beslag op sy voertuig gelê en hy is sedertdien in aanhouding. 

Hy verskyn weer op Dinsdag, 15 Augustus, in die hof vir die vonnisverrigtinge. 

 


 

0 Comments

To leave a comment you need to login / register first



       


Ander stories