HOOFSTORIES: •   Verdagtes in Coertze-aanval verskyn in hof   •   Prokureur vir sewe jaar tronk toe   •   Tronklewe is 'baie erg'   •   Verdagte in Peterson-moordsaak kry dalk borgtog   •   Plaaswerkers beroof; vrou verkrag   •   School learner found dead near mall   •   Nuwe pyplyn spoedig vervang ná lekkasie   •   Brief: Genoeg is genoeg!   •   Klag van brandstigting ondersoek by Waterfront   •   Kuns help kinders by skool   •   Ervaar die brul van enjins by Rally-kampioenskappe
 

 
 

 

Skelms doen reeds Kersinkopies


   08 December 2017   l   Ronél van Jaarsveld    l   Views: 266   l   5 months ago  

 

Foto ter illustrasie.


Skelms is oudergewoonte dié feesseisoen net so hard aan die inkopies doen as gewone mense. 

Ao. James Findlay, woordvoerder van die Modimolle-polisie, waarsku inwoners op Modimolle dat hulle op hul hoede moet wees wanneer hulle geld trek. 

“Ons het voorvalle by ’n gewilde winkelsentrum gehad waar mense se bankkaarte omgeruil word en hulle dan eers later besef dat daar geld uit hul rekeninge verdwyn het,” het hy gewaarsku.

Diewe wat met afstandbeheertoestelle keer dat motors nie sluit nie, is ook weer aktief op die dorp nadat hulle ’n tyd lank stil was. “Trek jou motor se handvatstel om doodseker te maak dat dit gesluit is nadat jy die afstandbeheerknoppie gedruk het,” het Findlay gesê. 

Diewe steel waardevolle items soos skootrekenaars en handsakke uit voertuie. 

Die polisie het die afgelope week as deel van hul misdaadbekamping in die feesgety, talle mense in hegtenis geneem weens dronkbestuur, drink in die openbaar en die besit van dagga.

 


 

0 Comments

To leave a comment you need to login / register first



       


Ander stories