HOOFSTORIES: •   Verdagtes in Coertze-aanval verskyn in hof   •   Prokureur vir sewe jaar tronk toe   •   Tronklewe is 'baie erg'   •   Verdagte in Peterson-moordsaak kry dalk borgtog   •   Plaaswerkers beroof; vrou verkrag   •   School learner found dead near mall   •   Nuwe pyplyn spoedig vervang ná lekkasie   •   Brief: Genoeg is genoeg!   •   Klag van brandstigting ondersoek by Waterfront   •   Kuns help kinders by skool   •   Ervaar die brul van enjins by Rally-kampioenskappe
 

 
 

 

Inwoners soek antwoorde oor water


   09 February 2018   l   Ons lesers skryf...    l   Views: 28   l   3 months ago  

 


A.A.L. Beneke, Modimolle, skryf:

Ek rig hierdie brief aan Marlene van Staden, burgemeester van die Modimolle-Mookgophong-munisipaliteit, rakende die voort-gesette waterprobleem op Modimolle.

Die afgelope twee jaar (dit val min of meer saam met haar ampstermyn) word die water-toevoer na inwoners op Modimolle streng deur die munisipaliteit gerantsoeneer.

Ons as inwoners is deeglik bewus daarvan dat ’n deel van die dorp water vanaf die Donkerpoortdam, wat nou al geruime tyd leeg is, ontvang.

Die res van die watertoevoer kom egter van die Magalies Waterraad en hoofsaaklik vanaf die Roodeplaatdam. Hierdie dam loop gereeld in die somermaande oor, soos tans ook die geval is.

Tog word ons water streng gerantsoeneer. Was dit nie vir die feit dat van die instansies op Modimolle voorsorg getref het deur die sink van boorgate nie, dan was hier voor-waar ’n reusekrisis. 

Om die bestaan van sulke boorgate te gebruik as regverdiging vir waterrantsoenering sou ook aheeltemal absurd wees.

Navrae by die munisipaliteit lewer gemengde — tipiese politieke — antwoorde wat, soos wat dit met sulke antwoorde gaan, heeltemal betekenisloos is.

Die tyd het nou aangebreek dat u as burgemeester oop kaarte met die inwoners (en die kieserskorps op wie u blykbaar swaar steun) in hierdie verband speel. 

Ons soek feite en nie die gewone leë politieke antwoorde nie. Miskien moet u en u amptenare ophou om die intelligensie van die inwoners te onderskat.

Ek en baie ander inwoners van Modimolle sien uit na ’n verduideliking oor die huidige toestand en ook ’n aanduiding van wanneer normale watertoevoer, soos tot in die onlangse verlede, hervat sal word.

 


 

0 Comments

To leave a comment you need to login / register first



       


Ander stories