HOOFSTORIES: •   Ruk geldsake reg, sê ouditkomitee   •   Werkers staak steeds   •   Twee raadslede in Bela-Bela-hof   •   Inwoner aangerand terwyl ander toekyk   •   Twee vas ná weduwee besteel word   •   Jong vrou sterf skielik   •   Man sterf ná motor teen brug bots   •   DA rig vrae rondom polisiestasies   •   Troeteldiere getraumatiseer deur fees-vuurwerke   •   Brief: Noem my gerus maar oom   •   Pre-holiday makeover for Bela-Bela   •   Geloftefeesvieringe gehou in die Waterberge   •   Food: Cook a Flemish stew   •   Wees versigtig vir slange   •   Goeie reën lei tot opheffing van brandverbod   •   Kranskopfees (vir eers) van die baan
 

 
 

 

Modderwater stroom uit Modimolle-krane


   11 August 2017   l   Ronél van Jaarsveld    l   Views: 304   l   4 months ago  

 

Só het die water wat op Dinsdag, 2 Augustus, uit die krane op Modimolle getap is gelyk. Die oorsaak was volgens die munisipaliteit ’n gebarste pyp op die Donkerpoortdam-pyplyn. Die probleem was gelukkig van korte duur.


Die onaptytlike bruin water wat op Dinsdag, 2 Augustus, uit Modimolle se krane gestroom het, het talle inwoners die josie in gehad. 

Modimolle het in die verlede herhaaldelik met vuil drinkwater gesukkel, maar die afgelope paar maande was die probleem gelukkig grootliks iets van die verlede. 

Dié week het klagtes egter vanuit verskeie oorde opgeklink. Volgens Thabang Selamela, afdelingshoof van waterdienste by die Modimolle-Mookgophong-munisipaliteit, was ’n gebarste pyp op die Donkerpoortdam-pyplyn een van die redes vir die waterprobleme. Die bars het op die hoek van Gholf- en Boshoffstraat gebeur en het tot gevolg gehad dat die reservoir se vlak van 95% na 5% geval het. 

“Wanneer ons die water in die reservoir opvul, word die sediment wat onder in die reservoir is, weer opgeklits,” het hy verduidelik. Bosveldsig-aftreeoord, wat water direk van Magalies af ontvang, is nie deur die probleem geraak nie, maar huise laer af wel. Die watervlakke is aangevul deur boorgatwater en water van Magalies Water af. 

Inwoners van Phagameng het ook die afgelope naweek deurgeloop onder watertekorte weens gebarste pype. “Een van ons probleme is dat ons moet wag vir onderdele. Sodra ons die onderdele het, kan die herstelwerk gewoonlik binne ’n paar uur gebeur,” het Selamela gesê.

Die Donkerpoortdam se watervlak staan volgens Selamela tans op 48%. “Ons bestuur die waterverbruik baie versigtig. As die reën op die verwagte tyd kom, behoort ons genoeg water te hê,” het hy gesê.

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories