HOOFSTORIES: •   Ruk geldsake reg, sê ouditkomitee   •   Werkers staak steeds   •   Twee raadslede in Bela-Bela-hof   •   Inwoner aangerand terwyl ander toekyk   •   Twee vas ná weduwee besteel word   •   Jong vrou sterf skielik   •   Man sterf ná motor teen brug bots   •   DA rig vrae rondom polisiestasies   •   Troeteldiere getraumatiseer deur fees-vuurwerke   •   Brief: Noem my gerus maar oom   •   Pre-holiday makeover for Bela-Bela   •   Geloftefeesvieringe gehou in die Waterberge   •   Food: Cook a Flemish stew   •   Wees versigtig vir slange   •   Goeie reën lei tot opheffing van brandverbod   •   Kranskopfees (vir eers) van die baan
 

 
 

 

Pienaarsrivier-rioolprobleme eersdaags opgelos


   06 October 2017   l   Andries van der Heyde    l   Views: 50   l   2 months ago  

 

Foto ter illustrasie.


Inwoners van Pienaarsrivier wat daagliks met rioolprobleme te doen kry, is bekommerd dat instandhoudingswerk nie behoorlik gedoen word nie aangesien riool steeds in die strate vloei. 

Die Bela-Bela-munisipaliteit het in Augustus bekendgemaak dat hulle beplan om dié dorp se rioolaanleg op te gradeer. Die dreine loop gereeld oor en inwoners moet met die stank en gepaardgaande gesondheidsrisiko’s saamleef. 

David Rabololo, munisipale woordvoerder, het aan Die Pos gesê die assesseringstydperk vir die projek is reeds verby en die ontwerptydperk het ook amper verstryk.

“Die primêre doelwit is om die riool aanhoudend te behandel, maar die ou infrastruktuur is die aanvanklike rede waarom die riool oorloop. Die ingenieur is reeds by die aanleg besig om te bepaal waar en hoe die nuwe pype en strukture gelê moet word.”

Rabololo het gesê die opgradering se eerste fase moet teen Junie 2018 voltooi wees, waarna daar met die tweede fase begin sal word. Daar is aanvanklik R5 miljoen daarvoor begroot.

Rabololo het gesê die resestydperk in Desember is net van toepassing op die munisipale raad. Die bestuur gaan egter in Desember beskikbaar wees om toe te sien dat munisipale dienste aan inwoners gelewer word en probleme, soos dié op Pienaarsrivier, hanteer word.

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories