HOOFSTORIES: •   Ruk geldsake reg, sê ouditkomitee   •   Werkers staak steeds   •   Twee raadslede in Bela-Bela-hof   •   Inwoner aangerand terwyl ander toekyk   •   Twee vas ná weduwee besteel word   •   Jong vrou sterf skielik   •   Man sterf ná motor teen brug bots   •   DA rig vrae rondom polisiestasies   •   Troeteldiere getraumatiseer deur fees-vuurwerke   •   Brief: Noem my gerus maar oom   •   Pre-holiday makeover for Bela-Bela   •   Geloftefeesvieringe gehou in die Waterberge   •   Food: Cook a Flemish stew   •   Wees versigtig vir slange   •   Goeie reën lei tot opheffing van brandverbod   •   Kranskopfees (vir eers) van die baan
 

 
 

 

Terug skool toe vir oudonderwyser


   13 October 2017   l   Ronél van Jaarsveld    l   Views: 183   l   2 months ago  

 

Erna Human van Modimolle en Johann Heymann, het 50 jaar gelede aan die Hoërskool Menlopark in Pretoria gematrikuleer.


As ’n mens soveel jare in skole deurgebring het, vloei daar rooipen-ink eerder as bloed deur jou are en is daar seker meer as net ’n tikkie heimwee as ’n mens afgetree het.  

Erna Human, ’n inwoner van Modimolle, het haar uitnodiging na hul 50ste skoolreünie met ’n goeie skoot humor aangepak. 

Human het in 1967 aan Hoërskool Menlopark in Pretoria gematrikuleer. Sy het onderwys studeer en was vir tien jaar lank skoolhoof by Klein Treetjies-kleuterskool op Modimolle. Daarna het sy ook 12 jaar lank vir die graad eentjies by Laerskool Nylstroom klasgegee. 

Vir die reünie in September vanjaar het sy vir haar ’n replika van die destydse skooluniform laat maak. Die groep 1967-matrikulante het op Vrydag, 15 September, die skoolopening bygewoon en Human het haar “skoolklere” aangetrek. 

“Dit was groot pret. Die kinders én my ou skoolmaats het hulle slap gelag,” het sy laggend vertel. Sy het egter nie rekening daarmee gehou dat haar naels nog bloedrooi geverf is nie en haar skoolmaats het haar gou herinner dat sy 50 jaar gelede gestuur sou word om te gaan gras plant as straf! 

“Die skool het só verander sedert ons leerders was. Dit het so uitgebrei en lyk pragtig,” het sy gesê. Dié groep matrikulante was die skool se eerste groep standerd sesse. Die aktrise Jana Cilliers was een van die 1967-groep. Haar ma, die bekende kunstenaar Bettie Cilliers-Barnard, het die skool se wapen ontwerp. Dit is gebaseer op die Hugenote-kruis. “Jana het een van haar ma se eerste sketse van die skoolwapen opgespoor en dit aan die skool oorhandig,” het Human vertel. 

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories